Tampad
Nanamian guid ako sang imo nga pagka-ilum
Ilabi na guid kung ikaw masami nga nagayuhum
Dugang pa nga ara ka sa akon nga dalamguhanun
Sa adlawon man ukon sa oras sang kagab-ihon
Akon guid guinapaminsar ang mga mahimo matabo
Kung tani sa akon indi ka magpalayo
Kay sa tagsa ka tion nga magatalikod ako
Daw mabalikid pa guid kag magapabilin sa imo
Ang nagustuhan ko sa imo indi ko maesplikar
Mabudlay isulat kag mabudlay man nga ihambal
Balewala ang maanyag nga babaye sa amon lugar
Kay ikaw lang sa akon isip kag akon dughan
Kung tani mabalik naton ang mga nagliligad
Itigana ko guid sa imo ining akon guinabatyag
Lain lang kay ang kahapon indi na naton maliwat
Gani subong na lang kita pagahigugmaon sang tampad.
